Presidenti turk Rexhep Tajip Erdogan deklaroi në Pragë se aktualisht nuk ka asgjë që ia vlen të diskutohet me Greqinë dhe akuzoi Athinën se politikën e saj e mbështet në “gënjeshtra”.
“Ata nuk janë aty ku duhet të jenë”, tha Erdogan në konferencën e mbrëmshme për shtyp.
Sipas tij, e gjithë politika e grekëve bazohet në gënjeshtra dhe sepse ata nuk janë të ndershëm.
“Ne nuk kemi çfarë të diskutojmë me Greqinë”, deklaroi Erdogan.
Ai tha gjithashtu se Athina e kuptoi mesazhin e Ankarasë kur zyrtarët turq thanë se “mund të mbërrijmë papritur një natë” – një koment që zyrtarë grekë dhe të tjerë perëndimorë e dënuan si kërcënim për vendin fqinj.