Se ekonomia e vendit është seriozisht e goditur nga pandemia, indikator më të mirë janë gjendja me BPV dhe borxhi publik, projeksionet e të cilave, sipas ministrit të financave, janë më të këqija në krahasim me krizat financiare të viteve 2009 dhe 2012.
-Situata është serioze, kjo krizë është e madhe saqë për dallim të vitit 2009 dhe 2012 kur kishim rënie prej 0,4 dhe 0,6% të BPV, tani vetëm në gjashtëmujorin e parë kemi 6,5% rënie të BPV, me tremujorin e dytë 12,7% dhe në situatë kur borxhi publik ishte 26,7% të BPV, ndërsa tani është 59,5%,-Fatmir Besimi, ministër i Financave.
Është mirë që sistemi financiarë është stabil, thotë njeriu i parë i financave, ndërsa dinamika në sektorin financiarë është me sinjal pozitiv.
-Ajo që është e mirë, mos përmbushja e detyrimeve të kapitalit mbetet 17%, likuiditeti 30%, plasmanët e këqija 4,7%, që nga aspekti i stabilitetit financiar është një përparësi e madhe edhe në pjesën me menaxhim me Kovid. Njëjtë, indikatorët për depozitat e përgjithshme në periudhë prej gushtit kanë rritje prej 5,2% ndërsa ngjashëm është edhe te aktiviteti kreditor d.m.th. 8,8% rritje në nivel vjetor,- Fatmir Besimi, ministër i Financave.
Në pjesën ku drejtpërdrejtë duhet të kyçet sektori bankar, Besimi e theksoi momentin me Bankën zhvillimore të investimeve. Bëhet fjalë për 100 milion euro shtesë për kredi dhe grante shtesë për bankat komerciale.
Nga Asociacioni bankar i Maqedonisë theksuan se sektori bankar është stabil dhe likuid. Ata rikujtuan aktivitetet që Bankat e kanë pasur në periudhën Kovid, mes tyre edhe prolongim i pagesës së kredive për personat fizik dhe juridik.
-Në mars u prolonguan, përkatësisht kishte prolongim për pagesën e kredive, që pranuan 70% e personave fizik, 35% nga personat juridik dhe tani kur po afrohet fundi i atij prolongimi, përsëri bankat duke përfunduar më 30.09 dhanë mundi të re për hapjen e procesit të prolongimit,- Maja Stevkova, kryetare e Asociacionit Bankar.
Bankat paralajmëruan se do të vazhdojnë të bashkëpunojnë me të gjithë palët e interesit me qëllim të daljes nga kriza aktuale.
Risi është edhe ajo që Ligji për Buxhet nga sot është në Regjistrin kombëtar elektronik të rregullave dhe sipas Besimit në këtë ligj reformues i cili është i harmonizuar sipas rregullativës evropiane në të ardhmen në debatin publik do të mund të kyçet cilido.