Ekonomia e thelluar në probleme, injeksion financiar nga Qeveria, ose humbje e përhershme e vendeve të punës

Ekonomisë në mënyrë urgjente i nevojiten para nga seti i katër i masave të Qeverisë. Gjendja e keqe financiare dhe jo-likuiditeti e bëjnë të domosdoshme nevojën për ndihmë në të holla, thotë njeriu i parë i organizatës së punëdhënësve, Angell Dimitrov. Sipas tij, disa nga kompanitë kanë filluar të marrin veten dhe ngadalë po i tejkalojnë problemet nga korona kriza, por pjesa më e madhe e ndërmarrjeve edhe më tej kanë probleme të mëdha. Tani, këshillon Dimitrov, duhet në mënyrë të mençur të ndahen paratë nga seti i katër i masave.

 “Të mësuar nga seti i fundit i masave, doli se Qeveria ka siguruar shumë më të madhe të mjeteve nga ata që janë ndarë për shkak se kriteret ishin të tilla, vetëm kompanitë që janë me të vërtetë të goditura, ata me mbi 30% rënie të të ardhurave, ndërsa kompanitë që kishin 26,27% nuk morën ndihmë të tillë. Mendoj se tani edhe Qeveria është e vetëdijshme se duhet të ketë më shumë kritere të tilla që të mundet të gjithë kompanitë të marrin ndihmë të tillë, ndihma të jetë e ndryshme, e jo, të themi, të gjithë të marrin nga 14.500 denarë”, deklaroi Angell Dimitrov nga organizata e punëdhënësve.

Ne pësojmë në këtë situatë të krijuar, thotë Dimitrov.

 “Kemi shembull prej anëtarëve tanë që janë në marketet për ushqim, ata nuk kanë ulje të tillë të të ardhurave por kanë shpenzime shumë të larta për shkak të njerëzve, punëtorëve që nuk shkojnë në punë. Ata që shkojnë në punë ngarkohen me punë jashtë orarit të punës për shkak të atyre që rrinë në shtëpi për t’i ruajtur fëmijët ose për shkak të sëmundjeve kronike”, theksoi Angell Dimitrov nga organizata e punëdhënësve.

Se në ardhmen masat duhet të definohen më mirë dhe të dihet se ku nevojiten më shumë para, këto ditë foli edhe ministri i ekonomisë, Kreshnik Bekteshi.

 “Në buxhetin aktual të gjithë e dimë se disa prej masave janë shfrytëzuar 80% gjë që lë hapësirë që edhe institucionet të bëjnë shpërndarje të buxhetit dhe këto masat t’i formojmë së bashku me odat ekonomike me qëllim që të kemi masa më të targetuara në pakon e katërt”, u shpreh Kreshnik Bekteshi – Ministër i Ekonomisë.

Pa ndihmë të re financiare, sipas analizave të ekonomistëve, ulja e ekonomisë do të vazhdonte dhe sipas tyre do të shkaktonte humbje të përhershme të vendeve të punës dhe shuarje të ndërmarrjeve të cilat kanë ekzistuar me vite të tëra në treg.