Cristiano Ronaldo është zyrtarisht lojtari më i ri i klubit nga Arabia Saudite, Al-Nassr.
Tratativa e cila kishte nisur prej kohësh mes palëve përfundoi me sukses dhe tashmë CR7 është lojtari më i paguar në botë teksa nga kontrata me arabët do të përfitojë plot 200 milionë euro në sezon.
Nga ana tjetër, edhe klubi i Al-Nassr ka përfitimet e tij nga një lëvizje kaq e bujshme duke njohur të gjithë famën që rrethon një personazh si Cristiano Ronaldo. Madje, te Al-Nassr menjëherë është ndjerë efekti i 37-vjeçarit teksa ende pa u mbushur 24-orë nga zyrtarizimi i marrëveshjes, në faqen zyrtare të klubit në Instagram janë shumëfishuar ndjekësit.