“E Majta” sërish ka paditur Kryetarin e Kuvendit

“E Majta” ka paditur edhe njëherë kryetarin e Kuvendit, Talat Xhaferi për keqpërdorim të detyrës zyrtare. Në një njoftim me shkrim thonë se deri te Prokuroria Themelore Shkup kanë dorëzuar padi penale për kryeparlamentarin Talat Xhaferi për siç shkruajnë në njoftimin me shkrim, keqpërdorimin e flamurit evropian gjatë miratimit të Ligjit për shtetësi.

“E Majta” ka paditur edhe më herët kryetarin e Kuvendit, Talat Xhaferi për keqpërdorim të detyrës zyrtare, për shkak se Xhaferi ua kishte kthyer mbrapsht kërkesën e “Së Majtës” për interpelancë ndaj të tij, me arsyetimin se në kërkesë nuk shkruhej emri kushtetues i vendit, Republika e Maqedonisë së Veriut.