Në Konjare tek vendi ku po bëhen gërmimet për rërë, sot shkuan ministri i Ambientit Jetësor Naser Nuredini dhe zëvendëskryeministri Ljupço Nikollovski. Bashkë me ta ishin edhe banorët të cilët tash e disa vjet po protestojnë kundër gërmimeve, pasi sic thonë po u shkaktojnë dëme si tokës bujqësore por edhe ujit të pijshëm.
Aty kishte ardhur edhe policia e cila po qëndronte afër lumit.
Ministri i Ambientit dhe Planifikimit hapësinor tha se inspektoratit ka përkrahjen e plotë që të shikojë shkeljet që janë bërë nga kompania e cila e ka në koncesion tokën të cilën po bënë gërmimet.
“Ne deri në fund presim të kemi të dhënat nga inspektorati përkatës që të marrim një vendim siç duhet. Siç e shihni drejtorja e mjedisit jetësorë e inspektoratit e ka përkrahjen tonë plotësisht kur do të jenë të dhënat gati do të japim mendimin tonë”, tha Naser Nuredini – Ministër i Ambientit Jetësor dhe Planifikimit Hapësinorë.
Zëvendëskryeministri Ljupço Nikollovski tha se askush nuk mundet të jetë mbi ligjin dhe se inspektimi do të jetë në disa faza.
“Në mënyrë aktive jemi kyçur në çdo rast. Asnjë në shtetin tonë nuk mund dhe nuk do të jetë mbi ligjin. Detyra jonë është që t’i mbrojmë këto qytetarë si dhe fshatin.
Aktivitetet e inspektoratit nuk do të përfundojnë këtu. Në periudhën e ardhshme do të ketë disa faza”, theksoi Lupço Nikollovski – zëvendëskryeministër për Luftën Kundër Korrupsionit.
Ana Petrovska drejtore e inspektoratit të ambientit jetësor tha se koncesioni është dhënë në kundërshtim me ligjin e ujërave.
“Me shumë gjasa mund të konstatoj se koncesioni është dhënë në kundërshtim me ligjin e ujërave gjegjësisht se kufijtë e koncesionit janë në zonën e shtratit të lumit Pçinja, gjë që mund të shihet edhe në terren. Këto të dhënë do të plotësohen me matje të reja që do të realizohen gjatë inspektimit të ardhshëm”, u shpreh Ana Petrovska – inspektore.
Para disa dite në këtë vend ishte edhe ministri i bujqësisë Arianit Hoxha.
Koncesionet për gërryerje dhe eksploatim i jep Ministria e Ekonomisë. Banorët shpresat i kanë po këtu, por deri më tani asgjë nuk ka ndryshuar. Ministria e Ekonomisë, tashmë disa vite, i ka dhënë koncesion kompanisë “ Europrogres” për shfrytëzimin e rërës jashtë shtratit të lumit Pçinjë që kalon në Konjare.
Nga ana tjetër drejtori i kompanisë Europrogres pretendon se nuk ka shkelur asnjë ligj saj përket gërmimit të rërës në lumin Pçinja.
Koncesioni i dhënë parashihet të përfundojë në vitin 2041.