Serbia në zi dhe e tronditur pasi dje një adoleshent gjuajti me armë dhe vrau 9 fëmijë, ndërsa lëndoi 6 të tjerë dy prej të cilëve janë në gjendje kritike. Prokuroria po punon për zbardhjen e motiveve. Njëri prej versioneve është se ka shtënë me armë sepse se ka qenë i injoruar gjatë kohës së pushimit dhe ekskursioneve. Adoleshenti ka pasur listë prej 15 fëmijëve dhe mësuesve që është dashur të jenë shënjestër. Gjatë marrjes në pyetje në polici, ai ka deklaruar se ka shtënë për shkak se ka qenë, po citoj, “psikopat dhe duhet të qetësohem”. Këtë mëngjes biseduam me një nxënës nga paralelja e 4 i cili ka dëgjuar të shtënat.
“Është e çuditshme të shkojmë tani në shkollë, në vendin ku ndodhi kjo. Ndjehem joreal. Më vjen keq, është e vështirë. Kjo ndodhi dje në fund të orës së parë. Dëgjuam të shtëna, së pari nuk e dinim nga vijnë dhe nëse vijnë nga shkolla. Menjëherë më pas na mbajtën të gjithëve në shkollë. Atëherë e dinim se diçka nuk është në rregull, dëgjuam se roja është vrarë, e më pas arriti kulmi. Përkeqësohej. Na mbajtën në klasë gjysmë ore”, tha Nikolla, nxënës në Beograd.
Në pjesën më të madhe të shkollave sot nuk mbahet mësim, ndërsa u mbajt edhe marsh protestues ku kërkohet dorëheqje nga Ministri i arsimit. Jovica Paunoski, TV21, Beograd, Serbi.