Drejtoresha Koxhaxhiku deputete, shkolla renovohet, Shkolla “Imri Elezi” me sfidë të dyfisht para vitit shkollor

Fillimviti shkollor po e gjen me sfidë të dyfishtë shkollën fillore “Imri Elezi”. Drejtoresha, Merita Koxhaxhiku dje ka qenë në pune, por sot s’ishte aty. Ajo po koordinohej në parti për aktivitetet në Kuvend pasi është zgjedhur deputete.

Drejtorin e ardhshëm të cilin s’po e dinë se kush do të jetë, e pret shumë punë.

“Për drejtorin nuk dihet asgjë”.

TV21: Por a po përgatiten për vitin shkollor, distanca që duhet për nxënësit?

“Po ka përgatitje. Ja pastruesit po e bëjnë pastrimin gjeneral. Këto kanë filluar, punojnë”.

Korridoret ishin të mbushura me pllaka, sepse po rinovohej një pjesë e shkollës.

Gati s’janë as klasat ku mësimin me prani fizike duhet ta zhvillojnë nxënësit nga klasa e parë e deri te e treta.

Klasat janë pastruar dhe po mbahen të mbyllura, por nuk ja asnjë shenjë se si duhet të mbahet distanca mes nxënësve.

Edhe tualetet nuk ishin gati.

Krejt kjo po ndodh për shkak se ende nuk dihet se kur fillon viti shkollor.

E pastrueset po shpresojnë se kanë kohë për përgatitje, pasi u kanë thënë se mësimi do të fillojë më 15 shtator.

TV21: Edhe ju nuk e dini se kur fillon viti shkollor?

“Po na thonë me të 15-tin në punë, por nuk e dimë sigurt”.

Përndryshe drejtoresha Koxhaxhiku është deputete e zonës së Çairit në Kuvend. TV21 e thirri disa herë për të folur për sfidat në shkollë dhe në Kuvend, por nuk ju përgjigj në asnjë thirrjeje dhe sms porosi.