Dje janë vaksinuar 14.928 qytetarë

Gjatë ditës së djeshme, u regjistrua një interes i shtuar në mënyrë të konsiderueshme për vaksinimin tek qytetarët. Vaksinimi po vijon pa pengesa në të gjitha pikat e vaksinimit në të gjithë vendin, ndërsa është duke u zhvilluar edhe vaksinimi në terren. Përfshirë ditën e djeshme gjithsej u vaksinuan 552.263 qytetarë në pikat e vaksinimit në vend dhe në terren. Dje dozën e parë të vaksinës e pranuan 8.202 qytetarë, ndërsa dje u vaksinuan gjithsej 14.928 qytetarë. Gjithsej 998.876 doza të vaksinave u aplikuan në vend, ndërsa u rivaksinuan 446.613 qytetarë, kumtoi Ministria e Shëndetësisë.

Sipas shifrave të fundit, 66 për qind e popullsisë mbi 70 vjeç ka marrë të paktën një dozë të vaksinës, 63 për qind e popullsisë mbi 65 vjeç është vaksinuar me të paktën një dozë, dhe 59 për qind e popullsia mbi moshën 60 vjeç është vaksinuar me të paktën një dozë vaksine si dhe 48 për qind e popullsisë mbi moshën 50 vjeç është vaksinuar me të paktën një dozë të vaksinës.

Qytetarët vaksinohen pa termine, në pikat ekzistuese të vaksinimit në të gjithë vendin. Procesi i vaksinimit në terren po zhvillohet në territorin e të gjithë vendit, me rotacion të ekipeve mjekësore në secilin fshat, vendbanim rural, vendbanim. Faqja e internetit vakcinacija.mk është e hapur për termine për vaksinimin e fëmijëve. Vaksinat janë të sigurta dhe efektive dhe janë mënyra e vetme për të mposhtur pandeminë. Vetëm një vaksinim i plotë parandalon formë të rëndë të sëmundjes, zvogëlon mundësinë e sëmundjes, si dhe rezultatin e saj vdekjeprurëse, thuhet në kumtesë.