Deti dhe rëra nuk janë të rrezikshëm për infektim me COVID-19, vlerësojnë ekspertët grek

TË FUNDIT

Këtë vit është aq e sigurt të shtriheni në rërë, siç ishte vitin e kaluar dhe para tij, por edhe para dhjetë viteve, thotë profesoresha për mikrobiologji detare e Universitetit “Ejxhian” Adamantia Efstratiu, ndërsa profesoresha e Katedrës për oqeanografi dhe bioshkencë detare nga instituti i Universitetit të njëjtë Ranja Xoraki, potencon se madje edhe në plazh duhet të mbahet distanca e nevojshme.

Të dy profesoreshat për radion e agjencisë greke të lajmeve “Prakorio fm”, flasin për Kovid 19, dhe mundësinë dikush të infektohet në plazh ose det.

Sa i përket notit në det, profesoresha Efstathiou sqaron se e njëjta vlen edhe për çdo hapësirë tjetër, por shton se çështja duhet shqyrtohet çka nëse dikush infektohet, kollitet dhe është në distancë prej më pak se 1.5 metra. Megjithatë, potencoi se “nga uji i detit ne nuk do të marrim koronavirusin që të sëmuremi”.

Lidhur me plazhet sqaron se për shkak diellit dhe temperaturave të larta virusi edhe nëse gjendet në rërë nuk mund të mbijetojë.

Profesoresha Xorxaki potencon se është me rëndësi që të gjithë t’i përmbahen rregullit për mbajtje të distancës, madje edhe në plazh ndërsa shton se në plazhet e organizuara me shezlon, për çdo person është i nevojshëm të ketë të paktën pesë, ndërsa më mirë tetë metra katror që të shmanget kontakti i afërt./MIA