Dehari dhe Jovanovski në balotazh! Kë do të mbështesë VLEN-i në rrethin e dytë?

Fatmir Dehari dhe Aleksandër Jovanovski janë dy kandidatët të cilët shkojnë në rreth të dytë në zgjedhjet lokale për të parin e Komunës së Kërçovës. Në garë ishin katër kandidatë. Aleksandër Jovanovski nga VMRO-DPMNE ja morri 11786, Fatmir Dehari nga AKI 5586 vota, pasuar nga Fatmir Limani i VLEN-it me 4164 vota dhe kandidati i pavarur Shkodran Alili 3902 vota.

Pas shpalljes së rezultateve Fatmir Dehari para qytetarëve tha:

“Ju falënderoj të gjithëve nga zemra, ju që jeni këtu dhe të gjithë ata shqiptarë sot që i dhanë kuptim Kërçovës të gjithë shqiptarët sepse sot fituan shqiptarët dhe nuk humbi asnjë nga ne”, tha Fatmir Dehari.

Kandidati nga radhët e VMRO-DPMN-së Aleksandër Jovanovski falënderoi të gjithë qytetarët nëpërmjet një statusi.

“FITORE NË RAUNDIN E PARË ME MBI 6,000 VOTA AVANTAZH! Kërçova me këtë dëshmon se dëshiron ndryshime për një të ardhme më të mirë! Ju falënderoj të gjithëve për mbështetjen e jashtëzakonshme dhe rezultatin e shkëlqyer! Me mbështetjen tuaj, DO TË FITOJMË bindshëm edhe në raundin e dytë”, tha Aleksandër Jovanovski.

Kandidati nga radhët e VLEN-it Fatmir Limani tha se ne rrethin e dytë, votuesit e tij të votojnë më të mirin, pa precizuar Deharin apo Jovanovskin.

“Për të gjitha këto arsye është e vështirë të bëjë thirrje të votuar pro atij gjithnjë duke pasur parasysh të gjithë ato ngjarje të cilat kohëve të fundit janë shfaqur nëpërmes të video-incizimeve dhe audio-incizimeve te ndryshme. Unë do bëjë thirrje të votohet më i miri”, deklaroi Fatmir Limani.

Faleminderit për votuesit, e veçanërisht për diasporën, shprehu edhe kandidati i pavarur Shkodran Alili.
Përbërja e re e Këshillit Komunal në Kërçovë është si vijon: AKI 5 Këshilltar, VLEN 3, Shkodran Alili 2, VMRO-DPMN-ja 8 dhe LSDM 1 këshilltar.