Covid-19, fillon me punë pika e re për testim! ISHP do të bëjë deri 1000 testime në ditë

Kjo që shihni pas meje është njësia e re pranuese për Covid teste. Është  hapur sot që nga ora 7.30 , pranë ministrisë së Shëndetësisë dhe Institut për Shëndet Publik, ku qytetarët do të kenë mundësi të bëjnë testet Covid më shpejtë dhe marrjen e rezultatit në periudhë më të shkurtë kohore.

Pika e re e hapur do të punojë çdo ditë nga ora 7:30 e mëngjesit deri në orën 14 të pasdites për të marrë strisho (mostra) të qytetarëve të cilët duhet të testohen për Covid-19 dhe nga ora 18  deri në orën 20  për t’ua dhënë rezultatet nëse janë ose nuk janë të infektuar me koronavirus.

E pranë pikës së re ishte edhe kryetari i Komisionit për Sëmundje Infektive, Zharko Karaxhoski, i cili po mundohej t’ua shpjegoj qytetarëve që testi dhe rezultati do të jetë gati sot për sot.

 “Po po, sot për sot, deri në mbrëmje të jenë gati dhe të dini si është puna (rezultati)”, tha Zharko Karaxhovski – Kryetar i Komisionit për Sëmundje Infektive.

Karaxhoski po u tregonte qytetarëve se deri ku priste rendi ditëve tjera për të bërë testin e po mundohej që t’u ofrojë ndihmë .

 “Edhe ju po prisni për këtë. Mirë, do të rregullohet gjithçka. Në mëngjes kishte 35 ose 40 njerëz që kishin ardhur dhe arritëm për një orë ta kryejmë punën dhe siç po shihni për një ditë kemi arritur ta rregullojmë gjendjen ashtu siç duhet”, tha Zharko Karaxhovski – Kryetar i Komisionit për Sëmundje Infektive.

Me këto teste shtesë, do të rritet numri i testeve në ditë dhe është planifikuar të kryhen deri në 1000 teste në ditë, që është rreth 150 teste më shumë se ato të mëparshmet.

 “Instituti informon se disponon me numër të mjaftueshëm të testeve për KOVID-19, shërbimi epidemiologjik do të angazhohet në dy turne , dhe për këtë qëllim kushtet e testimit shtesë do të krijohen në sistemin Termini Im. Është planifikuar të sigurohen 350 teste shtesë, 100 në nivel ditor në Qendrën e Shëndetit Publik dhe në laboratorin në Kozle, si dhe 150 të përmendura në Institutin e Shëndetit Publik”, thonë nga Ministria e Shëndetësisë.

Karaxhoski dhe Filipçe dje paralajmëruan se do të hapin një vend për testim në Gjorçe Petrov në mënyrë që qytetarët e asaj pjese të qytetit të mos duhet të vijnë në qendër të Shkupit për t’u testuar, ndërkohë që deri në fund të javës do të dihet nëse qytetarët do të jenë në gjendje të testohen për Kovid-19 në laboratorë privatë, me shpenzimet e Fondit për sigurim shëndetësor.