Çmimet në Ohër më shtrenjtë se në bregdet/ Qytetarët dhe turistët: Shumë shtrenjtë, çmimet po rriten nga viti në vit!

Ky sezon turistik në Ohër dhe Strugë po cilësohet si shumë i suksesshëm.

Po përderisa për hotelierët dhe bizneset ishte sezon i begatshëm, për qytetarët ishte i shtrenjtë.

Në një anketë të realizuar në Ohër turistët dhe vendasit ankohen se çmimet kanë qenë shumë të larta krahasuar me vitet e kaluara.

“Po është shtrenjtë, nuk jam nga Ohri por vij çdo vit dhe çdo vit çmimet janë më të larta, edhe akomodimi, edhe tregu, çmimet janë katastrofë”.

-Varësisht se ku e pi, p.sh. atje nëse e pini është 90 denarë, këndej në pjesët tjera nga 150-160 denarë, me të vërtetë për ne që jetojmë këtu në qytet është shumë shtrenjtë. Për këtë duhet të mendoj qeveria për shtrenjtimin e këtillë dhe jo ne.

-Mbrëmë erdhëm nuk di çfarë të them, por mendoj se janë të larta!

-Nga jeni ju?

-Nga Strumica.

-Si janë çmimet në Strumicë?

-Krahasuar me këtu janë shumë më lirë, mbrëmë hëngrëm por “zjarr”.

-Shumë shtrenjtë shumë, një kafe është 120 denarë, jo në çdo vend ka edhe 60 denarë, por shumë shtrenjtë.

-A mendoni se duhet të ulen çmimet?

-Ne mendojmë ama kush ti ule?!

-Mesatarisht, jam gjysmë nga Ohri gjysmë nga Shkupi!

-A është më shtrenjtë se në Shkup?

-Njëjtë është njëjtë, edhe atje është si këtu, nuk duhet të ankohemi.

-Ndoshta nëpër hotele është më shtrenjtë, një kafe është 100 deri 150 denarë, varësisht ku.

-Në Kumanovë sa është?

-Edhe atje rreth 70 denarë deri në 100 denarë”

Në shumt vende, kafet kanë qenë nga 150 denarë, hamburgerët nga 140 deri në 220 denarë, ndërsa akomodimi nëpër apartamente dhe hotele ka varijuar nga 35 euro deri në 150 euro nata.