“Bullgarët nuk besojnë në atë që shkruhet maqedonisht! Kjo që po ndodh me Bullgarinë është vetëm politikë”

Bullgarët asnjëherë nuk besojnë në atë që shkruhet në gjuhën maqedonase, tha dje në emisionin Klik Plus në TV21, anëtari i ASHAM-it, Marjan Markoviq. Ai tha se gjuha maqedonase, para 50 vjetëve ishte njohur si e barabartë në një nga projektet më të mëdha nën ombrellën e komitetit ndërkombëtar të sllavistëve.

“Kam kontakte me linguistët bullgarë. Në atlasin e përgjithshëm slloven të gjithë janë kolegë tanë, dhe nuk kemi pasur probleme më të mëdha, të them fare nuk kemi pasur probleme. Paraprakisht, gjatë këtyre 20 viteve, nuk kanë marrë pjesë në atë projekt për shkak të pjesëmarrjes së Maqedonisë. Por,  në komisionin e atëhershëm ndërkombëtar ka pasur votim, dhe, flas për para 50 vjetëve, gjuha maqedonase ishte njohur si gjuhë e barabartë në një nga projektet më të mëdha nën ombrellën e komitetit ndërkombëtar të sllavistikës”, deklaroi Marjan Markoviq, ASHAM

Markoviq shtoi se të gjitha problemet aktuale me Bullgarinë janë politike. Linguisti Shinasi Derebej theksoi se gjuha maqedonase nuk duhet të mbrohet prej askujt.

“Gjuha maqedonase nuk duhet të mbrohet prej askujt. Ajo është e kodifikuar, ka letërsi e vëllimshme. Ekziston pothuajse 50 vjet me traditë letrare dhe mendoj se e gjithë puna është e politizuar. Ne nuk duhet të reagojmë në provokimet politike”, tha Shinasi Derebaj, linguist.

Sipas të ftuarve në emisionin Klik Plus, nuk ka dyshim se marrëveshja e Prespës  nuk mund ta rrezikojë gjuhën maqedonase, megjithatë, a është në rrezik?

“Armik më i madh Ju pyetët se kush është? Kjo është frika e njerëzve, ajo është armiku më i madh. Ne vetë krijojmë problem atje ku nuk ekziston. Pse? Për shkak se kjo gjuhë është e kodifikuar me dekada. Për shkak se kemi gjenerata të tëra maqedonas dhe në përgjithësi qytetarë të këtij shteti të cilët të gjithë procesin e arsimit të tyre e kanë mbaruar në gjuhën maqedonase”, pohoi Elena Grujovska, Institut i gjuhës maqedonase

Në debatin e djeshëm konkluzioni ishte se ka nevojë që të krijohet një faqe e internetit e cila do të përkrahet nga qeveria, me qëllim që e gjithë literaturë e digjitalizuar të jetë e qasshme pa pagesë.