Sipas të dhënave më të reja, deri tani në Bosnje e Hercegovinë janë regjistruar 882 raste të të infektuarve me koronavirus, prej të cilëve 381 janë në Republikën Sërpska.
Kantoni Hercegovinë-Neretva është vendosur në karantinë prej këtij mëngjesi, ku gjatë natës janë regjistruar shtatë raste të reja.
Kantoni Hercegovinë-Neretva aktualisht është më i prekuri nga pandemia në të gjitha pjesët e Federatës së Bosnjës e Hercegovinës.
Deri tani, 172 raste pozitive janë në këtë kanton, që është pothuaj 20 për qind e të gjithë atyre, të infektuar në Bosnje e Hercegovinë.