Bekteshi në takim me sektorin e turizmit dhe hotelierisë: Do të mbështesim drejtpërdrejtë furnizuesit e ushqimit dhe punëtorët e turizmit me 7,5 milionë euro

TË FUNDIT

Ahmeti: E pergëzoj Bujar Osmanin për punën dhe maturinë që ka në kontestin me Bullgarinë

Ministri i Punëve të Jashtme Bujar Osmani angazhimin më të madh e ka kontestin me Bullgarinë, tha...

Kontesti me Bullgarinë, përgjegjësi ka edhe Ministri i Jashtëm Osmani por edhe kabineti Zaev, thotë Ahmeti

Për kontestin me Bullgarinë përgjegjësi ka edhe Ministri i Punëve të Jashtme Bujar Osmani por edhe kabineti...

Duhet të jemi në krah të maqedonasve për zgjidhjen e kontestit me Bullgarinë, thotë kreu integrist Ali Ahmeti

"Duhet të jemi në krah të maqedonasve për zgjidhjen e kontestit me Bullgarinë", tha në Click Plus...

Ministri i Ekonomisë Kreshnik Bekteshi sot zhvilloi takim pune me përfaqësues të sektorit të turizmit dhe hotelierisë, ku i prezantoi Programin për mbështetjen financiare të sektorit të turizmit dhe hotelierisë, i cili u miratua nga Qeveria, e që siguron masa për të mbështetur këtë sektor të përfshirë në Pakon e katërt të masave për të ringjallur ekonominë në kushte të Kovid-19, kumtoi Ministria e Ekonomisë.

Ministri informoi se Pakoja e katërt e masave me mbështetje të drejtpërdrejtë financiare përmes granteve të drejtpërdrejta mbulon restorantet, këndet e lojërave, agjencitë e licencuara të udhëtimit dhe udhëzuesit turistik. Gjithashtu është planifikuar kthimi i taksës turistike për vitin 2019 për objektet turistike.

“Në fillim të javës së ardhshme, Ministria e Ekonomisë do të shpallë pesë thirrje publike që dalin nga këto pesë masa për mbështetje të sektorit të turizmit dhe hotelierisë, që janë paraparë në Pakon e katërt të masave të miratuara nga Qeveria. Të gjitha agjencitë e udhëtimit, këndet e lojërave, udhëzuesit turistikë, restorantet që organizojnë dasma dhe persona të tjerë juridikë nga sektori i hotelierisë që mbulohen nga masat do të mund të aplikojnë në mënyrë elektronike në platformën ‘Pushime në vend’ deri në fund të muajit. Ministria e Ekonomisë do të përpunojë aplikimet menjëherë pas mbërritjes së tyre, në mënyrë që mjetet të paguhen me kohë dhe shpejtë. Qëllimi i këtyre masave është përmes mbështetjes së drejtpërdrejtë financiare të ndihmohen të gjithë punëtorët e turizmit dhe furnizuesit e ushqimit të cilët si rezultat i pandemisë kishin humbje më të mëdha”, ceku ministri Bekteshi në takim.

Vlera e përgjithshme e mbështetjes financiare për të pesë masat, siç informoi Ministri është 459,650,000 denarë ose 7,5 milion euro, dhe këto mjete do t’i paguhen drejtpërdrejt sektorit të turizmit dhe hotelierisë deri në fund të vitit, pra masa do të zbatohet në periudhën nëntor- dhjetor.

Ai informoi se 60.000.000 denarë janë paraparë për masën-grante për restorante, 153.000.000 denarë janë paraparë për grante për këndet e lojërave, 116.850.000 denarë janë dhënë për licenca për agjenci të licencuara të udhëtimit, 9.800.000 denarë janë ndarë për grante për udhëzuesit turistik, ndërsa për masën e kthimit të taksës së paguar turistike për vitin 2019 sigurohen fonde në vlerë prej 120.000.000 denarë. 

TË NGJAJSHME