BE-ja pritet të blejë 1.8 miliardë vaksina Pfizer!

TË FUNDIT

Komisioni Evropian ka thënë se pret të nënshkruajë marrëveshjen më të madhe në botë të furnizimit me vaksina brenda ditësh, duke blerë deri në 1.8 miliardë doza të vaksinës anti-COVID, Pfizer, për disa vitet e ardhshme, njoftojnë mediat ndërkombëtare.

Duke folur gjatë një vizite në fabrikën e vaksinave të Pfizerit në Puurs, Belgjikë, Ursula von der Leyen, presidentja e Komisionit, ka thënë se vaksinat Pfizer/BioNTech do të dorëzohen gjatë viteve 2021-2023.

Marrëveshja do të ishte e mjaftueshme për të vaksinuar gjithë popullatën prej 450 milionë njerëzve të BE-së brenda dy viteve.

Kjo është kontrata e tretë e rënë dakord nga BE-ja me dy kompanitë farmaceutike, të cilat tashmë kanë rënë dakord të furnizojnë vendet evropiane me 600 milionë doza, përmes dy kontratave të mëparshme.