Bashkimi Evropian paralajmëroi se mund të vendosë sanksione plotësuese kundër Bjellorusisë dhe e dënoi vdekjen në paraburgim policor të aktivistit opozitar.
“Ky është gjest skandaloz dhe i turpshëm i autoriteteve bjelloruse, të cilët jo vetëm që vazhdojnë me represione të rrepta dhe direkte mbi popullin e tyre, por edhe krijojnë atmosferë, në të cilën bëhen akte të tilla joligjore të dhunës, deklaroi zëdhënësi i KE-së, Peter Stano në lidhje me vdekjen e 31 vjeçarit Roman Bondarenko.
Bondarenko dje vdiq pas operacionit disaorësh si rezultat i lëndimeve nga dhuna e kryer mbi të nga ana e policëve civil.
BE ka shprehur ngushëllime deri te familja e Roman Bondarenko dhe e theksoi mbështetjen e saj për të gjithë bjellorusët të cilët janë të pakënaqur nga rezultatet e zgjedhjeve presidenciale të mbajtura më 9 gusht.
Në kumtesë përsëritet edhe pozita e BE-së, duke i’u referuar Qeverisë bjelloruse “ta ndërpresë dhunën mbi popullatën dhe t’i nxjerrë përgjegjësit para drejtësisë”.
“BE tashmë vendosi sanksione kundër 55 personave zyrtar, përgjegjës për dhunën, dhe është e gatshme të vendosë masa plotësuese”, theksoi shërbimi për politikë të jashtme i Unionit.