Bastet online, edhe pak kohë për të funksionuar! Ministria e Financave: Bastoret paguajnë tatim

Edhe pak kohë ju ka ngelur bastoreve online që të punojnë legalisht në vendin tonë, pasi që qeveria ua mundësoi legalizimin kohor online gjatë periudhës së pandemisë.

Ligji për bastoret online në Maqedoninë e Veriut thotë që bastet online nëpërmjet internetit janë të ndaluara.

Por a i paguajn tatim shtetit këto bastore?

Pyetëm edhe Ministrinë e Financave. Nga atje thonë se bastoret online paguajn tatim.  

 “Në përputhje me Nenin 3 të të njëjtit Dekret, organizatori i lojërave të fatit në internet në pikat e basteve paguajn një tarifë të veçantë prej 4 përqind të shumës totale të paguar në formën e një depozite përmes një aplikacioni në internet ose celular në bazë mujore”, thonë nga Ministria e Financave.

Por se sa është qarkullimi i vjetor i parave për bastet online, nuk morëm përgjigje nga Ministria  e Financave.

Ndërsa basoret që luhen në ueb-faqet jashtë vendit që nuk janë të legalizuara në vendin tonë janë jo-legale.

 “Të drejtën për të organizuar lojëra online të fatit në një dyqan bastesh, sipas Ligjit për Lojërat e Fatit dhe Lojërat e Argëtimit, kanë vetëm organizatorët që kanë marrë licencë nga Qeveria për t’i organizuar, si dhe ata që kanë miratuar rregullat për organizimin e tyre nga Ministria e Financave.

Sipas ligjit, pjesëmarrja e qytetarëve të vendit tonë në lojërat e huaja të fatit është e ndaluar, shtojnë nga ministria.

Nga Lëvizja Anti-bixhoz para ca ditësh thanë se shteti mund të mos ketë kontroll mbi lojën online meqenëse qendrat mund të jenë në jashtë vendit tonë.

 “Loja online, faktikisht online kumari sipas lëvizjes anti-bixhoz është rreptësishtë i ndaluar. Pse e themi këtë, një është e rëndësishme që këto objekte ose kjo mënyrë e të luajturit nuk mund të kontrollohet edhe normal nuk jemi të sigurt dhe nuk kemi informacione se ato objekte i paguajnë tatim shtetit pasi këto qendra mund të jenë edhe në shtetet tjera”, tha Xhemal Abdiu nga Lëvizja AntiBixhoz.

Bastoret online kanë edhe pak muaj afat legal për shërbime online.

Gjendja e jashtëzakonshme përfundoi më 23 qershor, që do të thotë se ky rregull është i vlefshëm për katër muaj të tjerë. Për shkak të gjendjes së jashtëzakonshme, neni i ligjit që ndalon bastet në internet të qytetarëve maqedonas nuk zbatohet gjithashtu.

Sipas disa vlerësimeve nga Asociacioni i bastroreve, 40 deri 50 milionë euro derdhen jashtë shtetit duke luajtur në bastore jo-legale.