Autoritetet kineze kanë urdhëruar evakuimin e banorëve brenda një rrezeje prej 3 km të zonës ku ndodhi shpërthimi nga frika e ndotjes kimike.
Agjencia zyrtare e lajmeve Xinhua tha se evakuikimi u shkaktua nga kërcënimi i përhapjes së substancave toksike.
85 njerëz mendohet të kenë vdekur dhe qindra të tjerë janë lënduar nga shpërthimet gjigande të mërkurën në qytetin Tianjin.
Disa zjarre vazhdojnë të rindizen. Agjencia e lajmeve tha se vazhdimisht kanë shpërthyer edhe shumë makina.
Skuadrat e kujdesit ndaj substancave kimike ndodhen në vendngjarje dhe po kujdesen për zonën.
Zyrtarët kanë konfirmuar se në depo kishte nitrat kaliumi dhe nitrat natriumi.