Autobusët e NQP “Shkup” nesër do të qarkullojnë sipas itinerarit të së dielës

Transporti publik nesër do të qarkullojë sipas itinerarit të së dielës për shkak të festës shtetërore Shën Klimenti i Ohrit, që është ditë jopune.

Siç kumtoi NQP “Shkup”, kujdestare do të jenë tre pika për shitjen e biletave. Nga ora 7 deri në orën 19:30 do të punojnë pikat për shitjen e biletave në Qendrën e transportit dhe Tregun e gjelbër, ndërsa nga ora 7 deri ora 13 do të punojë pika për shitjen e biletave në Gjorçe Petrov.

Nga NQP “Shkup” kujtojnë se edhe më tej nuk qarkullojnë linjat e autobusëve deri në Vodno të Mesme (25, 25A dhe 25B), ndërsa nuk punon as teleferiku. Akoma përkohësisht është hequr transporti falas për të moshuarit të martën, premten, shtunën dhe të dielën.