Aleanca për Shqiptarët dhe Alternativa, kërkojnë nga zv/ministri i Punëve të Brendshme, Nazim Bushi, por edhe nga BDI që të qartësojnë qëndrimin e tyre rreth propozim ligjit të opozitës për shtetësinë.
“Pas deklaratës së djeshme të ministrit të brendshëm Oliver Spasovski se mendimi negativ i MPB e ka mbështetjen edhe të zëvendësministrin Nazim Bushi kërkojmë nga BDI-së të deklarohet nëse ka ndryshime në qëndrim e tyre për Ligjin për të cilin u deklaruan se do ta mbështesin”, deklaroi Bujare Abazi nga Aleanca për Shqiptarët.
Për propozim ligjin për shtetësinë të propozuar nga ASH-Alternativa, Ministria e Brendshme ka dhënë mendim negativ. E i pyetur nga TV21 në lidhje me propozimin, zëvendësministri i brendshëm, Nazim Bushi tha se BDI do ta përkrahë, por tha se i njëjti ka nevojë për debat, ashtu sikur edhe mendimi i MPB-së.
“Ndryshimi dhe plotësimi i ligjit për nënshtetësi gjithsesi se kërkon debat, njëjtë edhe mendimi i MPB-së dorëzuar Qeverisë. Ju informojë se gjatë ditëve në vijim Qeveria do të parashtrojë kërkesë për ndryshimin dhe plotësimin e Ligjit aktual për nënshtetësi me ç’rast do të formohen grupe pune të përbëra nga anëtar të Qeverisë, Ministrisë së Punëve të Brendshme dhe disa institucioneve tjera përkatëse”, tha për TV21, Nazim Bushi – zëvendësministër i Punëve të Brendshme.
Bushti shtoi se si zëvendësministër i Punëve të Brendshme ndanë qëndrimin e njëjtë me kryetarin e Kuvendit, Talat Xhaferi, por edhe me atë të Bashkimit Demokratik për Integrim, lidhur me nevojën për ndryshimin dhe plotësimin e ligjit për shtetësinë.