Aptiv do të mbyllet dhe shitet! Kriza gjermane po i “shpërngul” investuesit e huaj nga zonat!?

“Aptiv” me shumë gjasa do të shitet, për “Xhonson Meti” nuk ka njoftim se sa vende pune planifikon të shkurtojë, ndërsa për “Dura Automotiv”, nuk ka fare informacione përveç se do të ulin numrin e të punësuarve. Këtë në emisionin “Biznes21” e tha drejtori i ZZHIT, Goce Dimovski. Ai tha se të gjithë janë shfrytëzues aktiv të ndihmës shtetërore dhe se duhet të paguajnë dënime në të ardhmen.

“Nëse e shikojmë Aptiv, në maj të vitit 2024 ka rreth 490 persona që punojnë, deri më 01.01.2025 – 550 persona. D.m.th. këtu nuk ka rënie. Dhe Aptiv Maqedoni sipas informacioneve që i mora nga menaxhmenti i Aptiv Maqedoni tashmë ka nënshkruar marrëveshje për 4-5 vitet e ardhshme. Megjithatë për fat të keq ajo politikë korporative solli deri te ajo që thjeshtë të ulet prodhimi dhe në fund të mbyllet apo shitet”, tha Goce Dimovski.

Dimovski nuk ka informacione nëse edhe kompani të tjera nga zonat industriale planifikojnë të largohen nga këto zona. Ai paralajmëroi se nga fillimi i marsit do të hedhet gurthemeli i një fabrike të re, investim prej 25 milion eurove dhe 500 vende pune, që do të prodhojë sisteme për nxemje për BEKO. Ndërsa në prill do të hapet investim i ri prej 70 milionë eurove, me 500 punësime.

Dimovski tha se ende po negociohet me kompaninë të cilën e paralajmëroi kryeministri, që është nga Gjermani dhe planifikon të investojë 350 milion euro në prodhimin e baterive. Ndërsa është prolonguar edhe vendimi i kompanisë që paralajmëroi zgjerim të prodhimit në zonat industriale, që duhet të zgjedh mes nesh dhe Pensilvanisë. Paralajmëroi se së shpejti Qeveria do të fillojë me fushatën e mëhershme “Invest in Macedonia” por nuk zbuloi detaje se çfarë do t’u ofrohet inestuesve të huaj.

Nga ana tjetër, sipas Antoni Peshev, drejtor ekzekutiv i Odës Ekonomike, rritja e BPV-së për këtë vit që është planifikuar në 3.7% është vështirë e realizueshme, ndërsa vlerësimet reale janë se ekonomia do të rritet për 2.7%. Peshev paralajmëron se po na kërcënohet edhe një krizë energjetike, që keq do të ndikojë në ekonominë vendase.

“Me shumë gjasa na paraprinë një krizë tjetër energjitike. Sipas informacioneve të fundit, rritja e gazit natyror aktualisht është rreth 14-15%, që sigurisht do të sjellë rritje shtesë të çmimit të naftës, kështu që po përballemi me një periudhë kur është e mundur rritja e kostove të energjisë, që për ne si një vend i varur nga importi i energjisë do të nënkuptonte një tjetër nga mijëra krizat që kemi përjetuar në një periudhë të shkurtër kohore”, tha Antoni Peshev.

Përndryshe Dimovski paralajmëroi se së shpejti qeveria fillon me fushatën e vjetër dhe njëkohësisht të re, Invest in Macedonia por nuk zbuloi detaje se çfarë do t’u ofrojmë investitorëve të huaj.