Apasiev do ta bllokojë ligjin për shtetësi! Dauti: Ligjin duhet ta dorëzojmë me yll Evropian

Opozita shqiptare dhe Qeveria shumë shpejtë duhet të sjellin vendim për fatin e ligjit për shtetësi. Ligji ka mbetur i bllokuar në Komisionin për Mbrojtje dhe Siguri, ndërsa deputetja e ASH-së, Ilire Dauti vlerëson se është koha që  Qeveria, ASH dhe AAA ta tërheqin ligjin dhe ta dorëzojnë përsëri në Kuvend, me yllin e BE-së në të, me qëllim që t’i ikin bllokadës së opozitës maqedonase.

 “Ky ligj do të kalojë me patjetër për shkak se nevojat e qytetarëve janë të tilla, sa që janë  të domosdoshme dhe është koha për t’i zgjidhur .Mjaftë kanë pritur ata qytetarë. Si duket janë shumë eksponent politik të cilët mendojnë se nga sjella e  ligjit për shtetësi para zgjedhjeve lokale mund të përfitojë opozita shqiptare…10.38- 44 Patjetër që do të ketë plan B, dhe unë mendoj qe kemi arritur në atë fazë. Do të duhet të marrim një vendim dhe të kalohet në planin tjetër sepse ligji duhet të kalojë patjetër”, tha deputetja Ilire Dauti nga Aleanca për Shqiptarët.

Kryetari i partisë “E majta” Dimitar Apasiev thotë se janë të vendosur që ta bllokojnë sjelljen e këtij ligji. Ai përsëriti se ligji nuk mund të dorëzohet me yll evropian sepse është vepër penale.

 “Mendoj se është vetëm blof i opozitës shqiptare. Nuk ka një ministër i cili do të guxonte ta nënshkruante një ligj të tillë sepse përbën vepër penale. Nuk ka rregullativë në të cilën ata mund të thirren për t’i vendosur atij ligji yllin Evropian”, deklaroi Dimitar Apasiev – deputet “E Majta” .

Javën e kaluar edhe pse u thirr Komisioni amë për të debatuar mbi amendamentet për ligjin, i njejti as nuk filloi me punë për shkak se deputetet VMRO-DPMNE-së filluan me fjalime procedurale, ndërsa kryetari i Komisionit amë e anuloi mbledhjen për shkak të mungesës së kushteve për punë.