Një stuhi e fuqishme ka shkaktuar tornado në jug të Shteteve të Bashkuara të Amerikës dhe ka sjellë reshje të mëdha bore dhe mot ekstreme në të gjithë SHBA-në dhe pjesë të Kanadasë. Si pasojë e stuhisë, disa persona kanë mbetur të plagosur dhe janë dëmtuar dhe disa banesa. Sakaq, 9,000 fluturime në SHBA janë vonuar pasi stuhia shpërtheu në të gjithë vendin. Moti gjithashtu ka mbyllur rrugët në disa shtete perëndimore që presin deri në 60 cm borë.
“Është një sistem stuhi mjaft i fuqishëm. Kjo është pak më e madhe se stuhia juaj mesatare e dimrit. Njerëzit duhet të qëndrojnë në shtëpi gjatë ditës [të martën] nëse jetojnë në veri“, tha Rich Otto, meteorolog në Qendrën e Parashikimit të Motit. Moti më i keq filloi të hënën mbrëma dhe pritej të vazhdonte disa ditë, duke goditur High Plains qendrore dhe veriore, një rajon i SHBA-së që përfshin Montanën lindore, Wyoming, Dakotën e Jugut dhe Nebraskën. Këto shtete pritet të kenë erëra të forta me shpejtësi mbi 40 mph (64 km/h) dhe reshje të dendura bore.
Moti ekstrem pritet të vazhdojë gjatë pjesës më të madhe të kësaj jave. Sistemi i stuhisë filloi të godasë SHBA-në të premten e kaluar, duke sjellë erëra të fuqishme në Kaliforni. Vargu malor i Sierra Nevada në Kaliforninë veriore raportoi 5 metra borë në disa zona gjatë fundjavës, duke detyruar disa autostrada të mbyllen dhe duke shkaktuar paralajmërime për ortekët në zonë.