Ante Rebic synon të jetë në dispozicion të trajnerit për ballafaqimin me Interin

Sulmuesi i Milanit Ante Rebic ka pësuar një lëndim të rëndë, por ai synon të jetë në dispozicion të trajnerit për ballafaqimin me Interin në xhiron e katërt të Serie A më 17 tetor.

Reprezentuesi kroat pas lëndimit u zëvendësua nga Lorenzo Colombo në minutën 57 të ndeshjes ndaj Crotones. “TuttoSport” zbulon se testet e zhvilluara nuk kanë treguar ndonjë thyerje të eshtrave.

27-vjeçari do të mungojë në dy ndeshjet e radhës para pushimeve ndërkombëtare dhe pastaj ai beson se mund të luajë në sfidën me “Nero-azzurët” muajin e ardhshëm.