Anketë: Të anketuarit presin që pandemia të zgjasë edhe katër muaj

Hulumtimi i realizuar në gjashtë vende tregoi se të anketuarit presin që pandemia e koronavirusit në Botë të zgjasë edhe katër muaj. Anketa, me të cilën janë përfshirë 6.566 persona në Korenë Jugore, SHBA-në, Gjermaninë, Italinë dhe Britaninë e Madhe tregon se qytetarët besojnë se mesatarisht edhe 17 javë do të kalojnë deri në fundin e epidemisë, pas së cilës do të kthehen në normale. Rezultatet tregojnë se të anketuarit në Kinë, ku epidemia shpërtheu në dhjetor, parashikojnë se për nëntë javë do të kthehen në normale, njoftoi agjencia koreanejugore Jonhap. Amerikanët presin pandemia të mbarojë për 15 javë, të anektuarit në Korën e Jugut dhe Gjermaninë për 17 javë, ndërsa italianët dhe britanikët për 22 javë. Madje 22 për qind thonë se mund të kalojnë prej pesë muaj deri në dy vjet para se jeta të kthehet në normalitet. Anketa, gjithashtu tregoi se 47 për qind e të anketuarve e shohin pozitivisht reagimin e qeverisë ndaj epidemisë. Kinezët kanë më së shumti besim tek qeveria e tyre, 79 për qind, e ndjekur nga britanikët, 50 për qind, e ndjekur nga Korea e Jugut, amerikanët, italianët dhe gjermanët. Anketa onlajn është realizuar nga agjencia amerikane për marketing Flajshman-Hilard, në periudhën midis 30 marsit dhe 3 prillit.