Masa lirim nga pagesa e akontacioneve në bazë të tatimit të fitimit dhe tatimit të të ardhurave personale për veprimtarë të pavarur vazhdon edhe në muajt qershor dhe korrik, publikoi ministrja e Financave në profilin e saj në Fejsbuk.
Si pjesë e masave të para ekonomike, bën të ditur Angellovska, kompanitë e prekura dhe veprimtarët e pavarur kishin mundësi që të parashtrojnë kërkesë për lirimin nga pagesa e akontacioneve. Mbi 1.500 kompani dhe zbatues të veprimtarive e shfrytëzojnë masën, ndërsa tani ajo vazhdon të vlejë edhe për qershor dhe korrik të këtij viti.
“Më së shumti kompani të cilat e shfrytëzojnë masën janë nga veprimtaritë: transport, veprimtari për përgatitje dhe shërbim të ushqimit, agjenci turistike, turoperatorë dhe shërbime të tjera për rezervim si dhe veprimtari në lidhje me ty dhe objekte për akomodim. Numri më i madh i ndërmarrjeve të liruara nga paradhënia për tatim të fitimit me ndërmarrje mikro dhe të vogla me përfaqësim prej 90 për qind. Me këtë mbështetet likuiditeti i kompanive të prekura me qëllim që më lehtë të përballen dhe rimëkëmben në periudhën e cila vijon”, shkroi ministrja e Financave./MIA