“Anëtarët e Këshillit po çojnë inat”! Mickoski: Populli vetë do të organizohet

Pesë anëtarët e Këshillit gjyqësor për të cilët u votua mosbesim në Kuvend po mbajnë inat, vlerëso kryeministri Hristijan Mickoski. Sipas tij, nëse nuk japin dorëheqje, kjo mund të shkaktojë protesta për shkak se njerëzit janë të shqetësuar për mungesën e drejtësisë.

“Kam ndjesinë se nëse ndodh ky përshkallëzim dhe nëse populli del në protesta, do të jetë protestë masive dhe normalisht unë do ta përkrah. Kështu që, unë vetëm desha këtë ta them, se nëse bëjnë truqe dhe inatosen, populli vetë mund të organizohet”, tha Hristijan Mickoski.

Për kërkesën e pushtetit për dorëheqje të anëtarëve të Këshillit gjyqësor, reagoi ashpër raportuesi për Maqedoninë në parlamentin europian, Tomas Vajc.

“Kjo thirrje e pushtetit është sinjal shqetësues për përzierje të politikës në gjyqësor. Pavarësia e sistemit gjyqësor është kyçe për sundimin e së drejtës dhe ndarjen e pushtetit që janë vlera themelore për rrugën e Maqedonisë së Veriut drejt BE-së”, deklaroi Tomas Vajc.

I pyetur nëse qëndrimi i Vajcit mund të ndikojë negativisht në raportin e BE-së për progresin e vendit, Mickoski u përgjigj:

“Le të gëzohemi për këtë sukses, t’u tregojmë qytetarëve se nuk jemi më një regjim hibrid sipas “Ekonomist”, por se e kemi avancuar demokracinë dhe mendoj se këtë vetë BE dhe raportuesi duhet ta vendosin në raportin e tyre”, u shpreh Mickoski.

Përkundër kritikave të opozitës por edhe të anëtarëve të Këshillit gjyqësor për të cilët u votua interpelanca, kryeministri u përgjigj se me hapin e këtillë pushteti nuk bën ndërhyrje në pushtetin gjyqësor.