Air New Zealand po peshon pasagjerët përpara se të hipin në fluturimet ndërkombëtare Kjo nismë vjen si pjesë e një sondazhi vullnetar për të përcaktuar peshën mesatare të pasagjerëve.
Sipas Air New Zealand njohja e peshës mesatare të pasagjerëve do të përmirësonte efikasitetin e karburantit në të ardhmen.
Linja ajrore më parë peshonte pasagjerët vendas në Zelandën e Re në 2021 ndërsa “tani që udhëtimet ndërkombëtare janë rikthyer dhe funksionojnë, është koha që fluturuesit ndërkombëtarë të peshojnë,” tha linja ajrore në një deklaratë për shtyp sipas BBC.
Përpara pandemisë, linja ajrore fluturonte më shumë se 17 milionë pasagjerë çdo vit, me 3,400 fluturime në javë.
Air New Zealand do t’u kërkojë më shumë se 10,000 klientëve që udhëtojnë në rrjetin e saj ndërkombëtar që të marrin pjesë në sondazh.
Pasagjerët do të peshohen në portat e disa fluturimeve që nisen nga Aeroporti Ndërkombëtar i Auckland midis 29 majit dhe 2 korrikut.
Air New Zealand është transportuesi kombëtar i vendit dhe ka 104 avionë operativë.