Lideri i BDI-së, Ali Ahmeti po qëndron sonte në Kumanovë.
Ka folur për angazhimin e partisë së integristëve për siç thotë, kthimin e dinjitetit të shqiptarëve në Maqedoninë e Veriut, transmeton TV21.
Mes të tjerash, tha se dominimi i Kumanovës nga Shqiptarët, i Çairit, i Kërçovës, dhe kthimi i të drejtave të shqiptarëve në Prilep, është si rezultat i zgjedhjes së arritjes së Marrëveshjes së Ohrit.
“Ne zgjodhëm rrugën më të vështirë, marrëveshjen paqësore”, tha mes tjerash Ahmeti.
Më tej Ahmeti tha:
“e jemi shqiptarë, ne padrejtësisht na kanë ndarë. Këtë e kam thënë publikisht. Kur jemi organizuar, jemi organizuar për t’u bashkuar, por në vitet e ’90 padrejtësisht na kanë ndarë”.
Ai shtoi se “duan apo nuk duan të tjerët”, kufij mes Maqedonisë së Veriut, Shqipërisë dhe Kosovës nuk duhet të ketë.
“Kufij shqiptaro – shqiptaro nuk duhet të ketë. Siç nuk ka në Gjermani, nuk duhet të ketë as me Shqipërisë dhe Maqedonisë dhe as mes Kosovës dhe Shqipërisë dhe Maqedonisë”, tha Ahmeti.