A ndryshohet kursi strategjik? Opozita akuzon, pushteti thotë se e kanë gabuar temën

Opozita akuzon qeverinë se ka devijuar nga kursi i saj strategjik. Sipas LSDM-së, kjo mund të përbëjë kërcënim për stabilitetin e vendit. Në të njëjtën kohë, siç shtojnë socialdemokratët, qeveria e ka çuar në ngërç dhe bllokim të plotë integrimin europian të vendit. Këtë qëndrim LSDM-ja e mbështet në vendimin për abstenim nga votimi në Kombet e Bashkuara për rezolutën eUropiane për Ukrainën.

“Sipas asaj që e kemi parë në periudhën e kaluar, edhe në ditët e kaluara, se si po ecën politika e jashtme, si po menaxhon Qeveria, kemi parë edhe ato rezoluta që ishin aktuale dhe votimi ynë si shtet- i përmbajtur”, tha Sanja Llukarevska.

Përgjigje arriti nga ministri për çështje europiane, Orhan Murtezani. Për TV21 ai tha se puna e çdo opozite është që ta kritikojë qeverinë për të fituar pikë politike. Murtezani shtoi se tema e LSDM-së është e huqur.

“Koalicioni qeveritar mbetet fuqishëm i përkushtuar në antarësimin e plotëfuqishëm në BE dhe investon përpjekje të jashtëzakonshme për të siguruar proces të vazhdueshëm dhe të papenguar të hapjes së kapitujve të negociatave. Kursi strategjik i shtetit i cili përfshinë edhe partneritetin me SHBA-të është pistë që kjo Qeveri nuk ka për qëllim që ta ndryshojë”, deklaroi Orhan Murtezani.

Në temën me votimin në KB para ca kohësh reaguan më shumë ambasadorë të vendeve anëtare të BE-së. Në kritikat më i ashpër ishte ambasadori i Polonisë, Mariush Brimora, vendi i të cilit kryeson me Unionin. Duke komentuar qëndrimin për rezolutën, tha se veprat janë më të zëshme se fjalët.