Në Ministrinë e Financave sot u nënshkrua marrëveshja me Bankën Botërore për kredi prej 83 milionë eurove për rikonstruim të rrugës Rankovc – Kriva Pallankë. Ndërtimi i rrugës do të fillojë në pranverë, ndërsa pritet të përfundojë deri në fund të vitit 2019.
Marrëveshja u nënshkrua nga ministri i financave të Maqedonisë, Zoran Stavrevski, drejtorja e zyrës së Bankës Botërore në Maqedoni, Aneta Naceva dhe drejtori i Ndërmarrjes Publike për Rrugët Shtetërore, Aleksandar Stojanov.
Ndërtimi i këtij aksi rrugor me gjatësi prej 26 kilometrave është i rëndësishëm për pjesën verilindore të Maqedonisë dhe lidhjen me Bullgarinë.