80 ekipe në botë punojnë në gjetjen e vaksinës kundër COVID-19

Në universitetin në Oksford sot filloi testim i një vaksine të mundshme kundër koronavirusit të ri në vullnetar, ndërsa në të njëjtën kohë më shumë se 80 ekipe shkencore në të gjithë botën po punojnë për të zhvilluar një vaksinë të tillë.

Ministri britanik i shëndetësisë, Mat Hankok paralajmëroi se Universiteti i Oksfordit do të marrë 20 milion paund për projektin, ndërsa 22.5 milion të tjera do të lihen mënjanë për një projekt tjetër britanik për të cilin Kolegji imperial në Londër është i angazhuar.

Shkencëtarët nga Oksfordi vlerësojnë se deri në shtator do të mund të prodhohen një milion vaksina eksperimentale, ndërsa Organizata Botërore e Shëndetësisë, theksoi se do të duhet të paktën 12-18 muaj për të zhvilluar një vaksinë të sigurt.

Hulumtuesit nga Universiteti në Bern paralajmëruan se vaksina kundër koronavirusit të ri mund të jetë gati deri në tetor, e cila tani po testohet me sukses në minj.

Një provë klinike e vaksinës kundër Kovid-19 është aprovuar gjithashtu në Gjermani, ndërsa 200 njerëz të shëndetshëm të moshës 18 deri në 55 do të marrin pjesë në testim. Ata do të pranojnë variante të ndryshme të vaksinës, të cilat zhvillohen bashkërisht nga kompania farmaceutike “Fizer” dhe ndërmarrja e bioteknologjisë “Bajontek”.

Në SHBA në fillim të muajit filloi testimi i vaksinës së kompanisë “Inovio farmacjutikalz”, zhvillimi i të cilës është financuar nga fondacioni Bill dhe Melinda Gates. Rezultatet priten në fund të verës. Gjithashtu kishte edhe testime te njerëzit për vaksinën e bërë nga kompania amerikane “Moderna”.

Për fazën e parë të testimit mbi njerëz, autoritetet kineze disa ditë më parë miratuan dy vaksina, të cilat u zhvilluan në Institutin shtetëror për produkte biologjike në Vuhan, gjegjësisht në kompaninë e bioteknologjisë “Sinovak” në Pekin.

Më 10 prill kompania “Kansino bajolixhiz” publikoi se së bashku me Akademinë Kineze të Shkencave Mjekësore Ushtarake ishte e para në botë që hyri në fazën e dytë të zhvillimit të një vaksine kundër Kovid-19.

Në Rusi, ku është aprovuar zyrtarisht trajtimi i personave të infektuar me ilaçin antimalarik – hidroksiklorokinë, është paralajmëruar një testim klinik i një vaksine kundër një grupi prej 60 vullnetarësh. Testimit duhet të fillojë në fund të qershorit.

Ndërmarrja bioteknologjike amerikane “Novavaks”, së bashku me kompaninë australiane për prova klinike “Nukleus netvork”, javën e ardhshme do të fillojnë të testojnë edhe një vaksinë tjetër kundër Kovid-19, ndërsa Instituti Indian i Serumeve në bashkëpunim me kompaninë amerikane “Kodaxheniks” do të testojë një vaksinë tjetër deri në shtator ose tetor.

Testim të vaksinës kundër Kovid-19 paralajmëroi edhe kompania izraelite “Migvaks” e cila në maj do ta testojë vaksinën në minj, ndërsa tek njerëzit gjatë verës./MIA