Dy tërmete tronditën provincën më jugore të Hatay në Turqi të hënën, vetëm dy javë pasi tërmete të mëdha goditën rajonin.
Nga lëkundjet e fundit ka ndërtesa të shembura dhe raportohet për njerëz nën rrënoja.
Ende nuk dihet numri i saktë dhe nuk raportohet për viktima.
Burime për Euronews Albania në Turqi konfirmojnë se janë shembur ato ndërtesa që ishin të dëmtuara nga tërmeti i parë dhe për fat të keq ka pasur njerëz që janë kthyer në banesat e tyre.
Sipas të njëjtave burime deri më tani raportohet për 8 të plagosur.
Një nga tërmetet ndodhi rreth orës 20:04 me orën lokale, me magnitudë 6.4, ndërsa tjetri tre minuta më vonë, me magnitudë 5.8 ballë.
Tërmeti i parë ndodhi në një thellësi prej 16.7 kilometrash (10.4 milje), ndërsa i dyti në një thellësi prej 7 km (4.3 milje). Të dy janë ndjerë në zonat përreth.
Tërmetet e dy javëve më parë, megjithëse me qendër në Kahramanmaras, 100 kilometra ose më shumë nga Hataj, shkaktuan dëme të mëdha atje.