Gjashtë persona në 24 orët e kaluara e kanë shkelur orën policore në Kumanovë. Tre janë arrestuar.
Siç njoftoi Ministria e Punëve të Brendshme, nga dje deri në ora 7 të mëngjesit të sotëm në rajonin e Kumanovës, janë regjistruar gjashtë shkelje të masës ndalim lëvizjeje.
“Janë ndërmarrë masa dhe aktivitete, me ç’rast për tre persona janë marrë të dhënat, ndërsa tre të tjerë janë privuar nga liria dhe për të njëjtën do të pasojë kallëzim adekuat, thuhet në komunikatë.
Sa i përket numrave në gjithë territorin e Maqedonisë së Veriut, sipas MPB-së, 72 persona nuk e kanë respektuar masën, nga të cilët 59 janë arrestuar ndërsa për të tjerët do të merren masa adekuate.