Luftën me Covid-19 e kanë fituar edhe 45 pacientë, njoftojnë nga Ministria e Shëndetësisë.
Ndërkaq 24 orët e fundit janë diagnostikuar edhe 15 persona me virusin korona, ku më së shumti në Kumanovë edhe atë 7 raste, Shkup -2, Prilep -4, Tetovë -1, Strugë -1.
Me rastet e reja nurmri i të infektuarve është 1506, ndërsa numri i personave të cilët kanë qenë të infektuar dhe e kanë kaluar virusin korona është 852.
Në Klinikën për sëmundje Infektive për herë të parë nga fillimi i epidemisë nuk është pranuar asnjë pacient 24 orët e fundit me Covid-19, mirëpo në këtë klinikë ka ndërruar jetë një 61 vjeçar nga Struga, i cili është pranuar në spital me 24 prill.
Për momentin në Klinikën Infektive po trajtohen 39 pacientë, prej tyre 20 janë me pasqyrë më të rëndë klinike dhe trajtohen me terapi me oksigjen, ndërkaq një pacient është në ventilim mekanik me gjendje tejet të rëndë.
Në spitalin “8 Shtatori” janë të hospitalizuar 29 pacientë, ndërsa në spitalin e Manastirit janë të hosptalizuar 4 pacientë.