Milioneri çek Radim Passer akuzohet se ka bërë gara me 417 km në orë në një autostradë në Gjermani.
Prokurorët po hetojnë shoferin e makinës Bugatti Chiron, i cili kishte postuar dhe një video në Youtube në fillim të këtij viti.
58-vjeçari mund të dënohet me dy vjet burg ose të marrë një gjobë të lartë nëse shpallet fajtor.
Ministri gjerman i Transportit Volker Wissing ka kritikuar shoferin. Ai sqaroi se pavarësisht se Gjermania nuk ka kufi shpejtësie, automjetet duhet të jenë gjithmonë “nën kontroll”.
Passer ka një kompani ndërtimi në Pragë.