3 të burgosurit e Kumanovës kërkojnë vikendin e lirë! Drejtori i burgut thotë se nuk u takon! Zyberi do ta shqyrtojë rastin

Familjarët e tre prej të burgosurve të Kumanovës u mblodhën para burgut të Shutkës.

Ata kërkojnë që Arsimi Bajramit, Musadik Pajazitit dhe Elham Arifit të u mundësohet e drejta e trajtimit- fundjavë e lirë, sepse sipas familjarit, Bujamin Selmani, që të tre të burgosurit kanë respektuar të gjitha procedurat administrative për të kërkuar këtë të drejtë. Siç tha ai edhe pse gjitha komisionet që janë në kuadër të Burgut e kanë miratuar shfrytëzimin e kësaj të drejte, sërish drejtori e ka refuzuar një gjë të tillë.

 “Të njëjtit ka 3 muaj që i plotësojnë̈ kushtet ligjore për shfrytëzim të kësaj të drejte. As të burgosurit e as ne familjarët nuk kemi rrugë tjetër se si të marrin përgjigje nga drejtori i shtëpisë̈ ndëshkuese i cili e thyen ligjin dhe nuk ua jep të drejtën ligjore familjarëve. Kërkojmë̈ nga të gjitha instancat shtetërore, ministria e Drejtësisë̈, Avokati i Popullit, si dhe nga mediat që të na ndihmojnë̈ të marrim përgjigje qoftë dhe një “jo” por me një arsyetim qoftë i njëjti edhe i pabazë”, theksoi Bujamin Selmani – familjar.

Pasi që personalisht nuk kishin arritur të marrin përgjigje nga organet kompetente, familjarët iu drejtuan mediave, që nëpërmjet tyre të marrin përgjigje për të drejtën e familjarëve të tyre.

Për kërkesat e familjarëve të grupit të Kumanovës, kërkuam përgjigje edhe nga drejtori i burgut Filip Andov, por i njëjti tha se është në kolegium dhe se përgjigje zyrtare do të jap nëpërmjet emailit.

E në përgjigjen me shkrim, drejtori i burgut të Shutkës, Filip Andov, nuk tregon shkaqet konkrete se përse të burgosurve  u është mohuar e drejta për fundjavë të lirë, por vetëm thekson se të burgosurit nuk i përmbushin kushtet për vikend.

Familjarët kërkojnë që Avokati i Popullit, Naser Zyberi, të ushtrojë kompetencat e tij dhe familjarëve të tyre të u jepet e drejta që u takonë me ligj. Zyberi për TV21 informoi se ekipi i Avokatit të Popullit do të hyjë në Burgun e Shuto Orizares për të vlerësuar gjendjen e tre të burgosurve.

 “Do të thotë që nga sot në afat prej 8 ditëve, drejtori i burgut duhet të më jap përgjigje në lidhje me ankesat e parashtruara, por unë siç ju thash, nesër ekipi ynë do t’i drejtohet burgut dhe do të shqyrton lëndën, do të kërkojë dokumentacionin dhe dosjet e personave  të  apostrofuar. Pra ne do ta hetojmë rastin, do ta konstatojmë situatën dhe do të propozojmë rekomandime për tejkalimin e situatës. Në qoftë se ankesat janë të bazuara me ligj, kështu siç apostrofohen drejtoria e burgut duhet t’i respektojë”, u shpreh Naser Zyberi – Avokat i Popullit.

Zyberi tha se për të dënuarin Arsim Bajrami tashmë ka filluar procedurë, sepse i njëjti nëpërmjet Drejtorisë së burgut, i ishte drejtuar Avokatit të popullit, ndërkaq për dy të tjerët është njoftuar nëpërmjet konferencës për media që u mbajt sot. Arsim Bajrami, Musadik Pajaziti dhe Elham Arifi janë të dënuar për veprën logjistik dhe janë dënuar me 12 deri  në 13 vite burg.