3 muaj e mbyllur dhe pa aktivitete! Në qytet nuk ka rrugë adekuate për persona me nevoja të veçanta

Kjo është Drita Salihi nga qyteti i Tetovës. Prej se është mbyllur Qendra ditore për persona me nevoja të veçanta, ajo gjatë gjithë kohës së pandemisë po qëndron brenda kësaj hapësire prej 20 metra katror.

Drita po mundohet që këto tre muaj t’i kalojë duke vizatuar.

Drita Salihi: “Tre muaj ka që nuk shkoj.

TV21: Mund të na tregosh brenda këtyre tre muajve çfarë ke bërë ?

Drita Salihi: “Unë kam vizatuar, kam ngjyros kamë kënduar. Dëgjoj muzikë, luaj me telefon e kështu.”

Drita thotë se tre muaj me radhë askush nuk është kujtuar që të paktën ta telefonojë e të pyes se si është gjendja e sajë dhe mos ndoshta ka nevojë për diçka.

Drita Salihi: “Po po jam mërzit.”

TV21: A ka qenë ndonjë tët vizitojë brenda këtyre tre muajve ?

Drita Salihi: Jo jo nuk ka qenë askush  vetëm shoqet që më kanë lajmëruar në telefon. Nga ana Ministrisë nuk ka qenë askush, as të më thërrasin as të më vizatojnë. Më mirë është të shkoj të Qendra se sa të qëndroj në shtëpi këtu.”

 Nga ministria për punë dhe politik sociale thonë se janë siguruar 500 paketa në bashkëpunim me UNICEF-in, por të njëjtat janë ndarë në Shkup, Manastir, Demir Kapijë dhe Negotinë, ndërsa  për këta kategori janë siguruar online përkrahje.

“Edukatoret, psikologët  dhe të punësuarit social  në Qendrat ditore  kanë siguruar këshilla online  për përdorimin e materialeve didaktike, mbështetje psiko-sociale dhe zhvillimin e programeve të personalizuara arsimore me përdoruesit e qendrave të kujdesit ditor dhe familjet e tyre për zbatimin më të lehtë të aktiviteteve në shtëpi,” u tha nga Ministra për Punë dhe Politik Sociale.

Por  Drita thotë  se nuk ka dëgjuar për këto këshilla online. Ajo mezi pret të kthehet në Qendrën ditore e të takon  shoqet dhe shokët e saja.

Drita e ka problem të dal në shëtitje për shkak rrugëve dhe trotuareve joadekuate për njerëzit me nevoja të veçanta.