Ambasadori i Shqipërisë në Maqedoninë e Veriut, Denion Mejdani, me rastin e 25-vjetorit të Marrëveshjes Kornizë të Ohrit, përmes një shkrimi në rrjetet sociale, theksoi rëndësinë e Marrëveshjes për rendin kushtetues dhe të ardhmen evropiane të vendit.
Mejdani vlerëson se Marrëveshja e Ohrit vendosi themelet për një shtet më të drejtë, të bazuar në barazi, përfaqësim të drejtë, përdorimin zyrtar të gjuhëve dhe decentralizim.
Ai thekson se pas 25 vitesh misioni mbetet i njëjtë: zbatimi i plotë i marrëveshjes, përfshirë gjuhën shqipe, përfaqësimin e drejtë dhe decentralizimin funksional.
Ambasadori thekson se Shqipëria do të jetë gjithmonë pranë të drejtave të shqiptarëve dhe pranë një Maqedonie të Veriut sovrane, demokratike dhe evropiane.