2 të burgosurve të “Kumanovës” u takon vikendi i lirë! Zvarritje e procedurës nga Komisioni po ua mohon këtë të drejtë

Familjarë të të burgosurve të rastit të Kumanovës para 12 ditëve para burgut të Shutkës u ankuan se padrejtësisht 3 të burgosurve po iu mohohet vikendi i lirë.

Avokati i Popullit analizoi rastin, me cka ka konstatuar se  Arsim Bajrami dhe Musadik Pajaziti i plotësojnë kushtet ligjore për shfrytëzim e vikendit të lirë por jo edhe  Elham Arifi.

 “Edukatorët e tyre që kujdesen për realizimin e programit individual për risocializim dhe  përmirësim të të dënuarve kanë bërë menjëherë propozim deri te Komisioni pranë Shtëpisë Ndëshkimore për të ju lejuar e drejta e shfrytëzimit të fundjavës të këtyre dy personave”, tha Naser Zyberi – Avokat i Popullit. 

Por problem për shfrytëzimin e kësaj të drejte nga ana e të burgosurve është Komisioni i cili ende nuk ka dhënë mendim mbi kërkesën e tillë.

 “Ne kërkuam sqarim plotësues për këtë dhe na u tha se Komisioni nuk ka afat të paraparë me ligj dhe rregullore brenda të cilit duhet të jap mendim deri te drejtorit. 04.19-35Duke pasur parasysh këtë ne kërkuam me shkrim nga drejtori që të deklarohet se përse në këtë rast ka shmangie nga praktika e deritanishme e vendosjes brenda 1 ose 2 javëve, të kërkesave për shfrytëzim të vikendit”, theksoi Avokati i popullit, Naser Zyberi.

Ziberi tha se Komisioni kur jep mendim bazohet nga rrethanat e parapara me ligj dhe kushtet tjera që lidhen me programin për risocializmin individual të çdo të burgosuri dhe rrezikun potencial të arratisjes se të burgosurve dhe me këtë mund të mbrohet Komisioni.

 “Mendimi im është se kjo shmangie nga praktika e përgjithshme sigurisht që është e motivuar me argumente, por kjo lenë hapësirë për keqpërdorim të Komisionit por edhe të drejtorit të burgut, që në pakufi ta zvarrisë kërkesën dhe mos të shfrytëzohet e drejta nga ana e të burgosurve që me ligj parimisht u është dhënë”, shtoi Naser Zyberi – Avokat i popullit.

Drejtori i burgut në ditët në vijim duhet të jep përgjigje se përse ka vonesa në marrjen e mendimit nga Komisioni, e nëse nuk ka bazë jurdike për plotësimin e kërkesës, Ziberi në bazë të kompetencave do t’i drejtohet ministrisë së Drejtësisë dhe Drejtorisë për zbatimin e sanksioneve për ta informuar për keqpërdorim e ushtruar nga burg.