Entuziazëm, shpresë.
Kështu u ndien banorët e lagjes Idrizovë një vit më parë, kur ministri i atwhershwm i arsimit Arbër Ademi dhe deputetët Artan Grubi, Muhamet Zeqiri dhe kreu i komunës së Gazi Babës Boris Georgievski erdhën në këtë objekt për t’u treguar banorëve se do të ndërtohet një shkollë.
Por premtimet mbetën brenda këtyre mureve. Kryetari i komunës së Gazi Babës Boris Georgievski thotë se plan për ndërtimin e shkollës kanë dërguar në Ministrinë e Arsimit.
Edhe pse sot e kishte në krah ministren e arsimit, nuk e dinte se a e ka shqyrtuar këtë projekt për ndërtimin e shkollës.
“Kemi premtuar që sipas konkluzioneve të Qeverisë, që Komuna do të përgatisë një plan primar lokal të cilin do ta dorëzojmë në ministrinë e Arsimit. Kjo është dorëzuar nga muaji maj i këtij viti, se a e ka shqyrtuar ministria nuk kam informacione”, theksoi Boris Georgievski – Kryetar i Komunës së Gazi Babës.
Ndryshe nga Georgievski, ministrja Mila Carovska u tregua më e kujdesshme, ajo tha se kanë biseduar për projektin dhe ndërtimin e shkollës në Idrizovë.
“Unë kam biseduar me kryetarin e komunës që në javën e parë meqenëse u informova për këtë pyetje. Edhe me ministrin e kaluar kamë biseduar, ka dokumentacion ku duhet të jetë e precizuar e përfunduar në nivel lokal, në nivel qendror që të sigurohen mjete që kjo të përfundojë”, u shpreh Ministrja e Arsimit dhe Shkencës, Milla Carovska.
Kjo ide për ndërtimin e shkollës fillore në Idrizovë erdhi pasi në shkollën fillore Njegosh në Jurumleri prindërit e nxënësve maqedonas nuk lejuan që fëmijët shqiptar të mësojnë në gjuhën e tyre amtare.