Punimet në bulevardit “Video Smilevski Bato” filluan para një muaji por, ato nuk zgjatën shumë.
Në këtë hapësirë nuk ka asnjë tabelë njoftuese për këtë projekt. Nga komuna e Tetovës thonë se punët do të intensifikohen në shtator dhe se vonesat janë bërë për shkak të procedurave pronësore juridike.
“Punimet për vazhdimin e bulevardit “VS Bato” sapo kanë filluar. Planifikojmë që në muajin shtator të rrisim intensitetin e punimeve, për shkak të mbarimit të të gjitha procedurave pronësore-juridike”, thanë nga Komuna e Tetovës.
Anketuam edhe disa qytetarët. Ata përshëndesin iniciativa të tilla por, apelojnë që punët të kryhen dhe mos të zgjasin me vite.
“Mendoj se do përfundojë në kohë, ama kur do t’i vijë koha nuk e di. I çojnë pak zvarrë punët. Tash ky i riu që ka hyrë, mund të hapet më shpejtë .”
“Mirë është të behët por, tash nuk e di, disa gjëra Bilalli i bëni por, tash do shohim, po shkojnë pak ngadalë, e nisin një punë dhe shkojnë ngadalë. Me qenë më shpejtë, mirë do ishte.”
“Mendoj se duhet të hapet edhe do të hapet që të jetë më mirë për qytetarët. “
Ky bulevard fundin duhet të ketë në fshatin Poroj, ndërsa qëllimi është që të shmang komunikacionin që shkaktohet në lagjen Drenovec. Hapja e këtij bulevardi do të ndihmojë edhe qarkullimin për në Kosovë. Një kilometër i këtij bulevardi u hap në vitin 2020, ndërsa investimi në atë kohë ishte nga Banka Botërore.