Me publikimin e “Planit të Përgjithshëm për Zonën Pilot të Tregtisë së Lirë të Kinës (Mongolia e Brendshme)“, numri i përgjithshëm i zonave pilot të tregtisë së lirë të Kinës është zgjeruar në 23. Sipas vëzhguesve ndërkombëtarë, shtimi i zonave të reja të tregtisë së lirë në vitin e parë të Planit të 15-të Pesëvjeçar, ka përmirësuar më tej modelin e hapur të lidhjes tokë-det dhe përfitimin e ndërsjellë midis Lindjes dhe Perëndimit. Kjo gjë jo vetëm promovon më tej zhvillimin me cilësi të lartë, por gjithashtu injekton më shumë siguri , duke demonstruar vendosmërinë për të zgjeruar hapjen në nivel të lartë.
Rajoni Autonom të Mongolisë së Brendshme zotëron avantazhe unike gjeografike. Në histori, Mongolia e Brendshme ishte një qendër e rëndësishme në “Rrugën e Mëndafshit të Kullotave” dhe “Rrugën e Çajit”. Ndërkohë, sot është një nyje kyçe në Nismën “Një Brez, një Rrugë” dhe në Korridorin Ekonomik Kinë-Mongoli-Rusi. Me mbi 4.200 km kufi dhe 20 porte të hapura, ajo lidh tetë provinca nga brenda dhe Euroazinë nga jashtë, duke pasur një avantazh natyror për t’u hapur drejt veriut.
Për më tepër, Rajoni Autonom i Mongolisë së Brendshme ka një bazë të fortë për hapjen ndaj botës së jashtme. Të dhënat tregojnë se në vitin 2025, vlera e përgjithshme e tregtisë së jashtme në këtë rajon arriti në 220.67 miliardë juanë, duke shënuar një rekord të lartë, me një normë rritjeje prej 2.6 pikësh përqindjeje më të lartë se niveli mesatar kombëtar. Aktualisht, Mongolia e Brendshme ka marrëdhënie tregtare me 201 vende dhe rajone në të gjithë botën, me vlerën e import-eksportit në vendet pjesëmarrëse në nismën “Një Brez, një Rrugë” që përbën 78.6% të tregtisë së saj të përgjithshme të jashtme. Krijimi i një zone të tregtisë së lirë këtu do të ndihmojë në forcimin e bashkëpunimit praktik me vendet fqinje, do të promovojë nismën “Një Brez, një Rrugë”.
Në praktikë, si rajone me nivelet më të larta të liberalizimit dhe lehtësimit të tregtisë dhe investimeve, zonat e tregtisë së lirë i ofrojnë komunitetit ndërkombëtar mundësi të shumta tregtare dhe investimi, duke i lejuar ata të përfitojnë më mirë nga dividentët e zhvillimit të Kinës. Zona e Tregtisë së Lirë e Mongolisë së Brendshme, e sapokrijuar, krenohet me burime të bollshme energjie dhe bujqësore, si dhe me rritjen në zhvillim, siç janë fuqia e informatikës së gjelbër dhe ekonomia dixhitale. Për shembull, deri në vitin 2025, fuqia totale kompjuterike dhe shkalla e informatikës inteligjente e Mongolisë së Brendshme do të renditen ndër të parat në vend. Kjo do t’i ofrojë kapitalit global mundësi investimi më të diversifikuara dhe do t’u ofrojë ndërmarrjeve globale hapësirë më të gjerë tregu dhe një mjedis më të mirë biznesi.