Presidenti ukrainas, Vollodimir Zelenski, deklaroi se në Ukrainë gjenden më shumë se 100.000 pushtues rusë, lajmëroi agjencia shtetërore ukrainase Ukrinform.
Zelenski këtë informacion e ndau në bisedë me kryeministrin indian, Narendra Modi.
“Kam biseduar me kryeministrin indian, Narendra Modi dhe e informova për rrjedhën e agresionit rus në Ukrainë. Më shumë se 100.000 pushtues gjenden në territorin tonë. Ata fshehurazi qëllojnë në ndërtesat banesore. I bëra thirrje Indisë të na japë mbështetje politike në Këshillin për Siguri të KB-së për ta ndaluar së bashku agresorin!”, shënoi Zelenski në Tuiter.
Presidenti rus Vlladimir Putin, më 24 shkurt e paralajmëroi dhe menjëherë e urdhëroi fillimin e operacionit special luftarak në Ukrainë. Menjëherë pastaj, raketat ruse qëlluan një numër të madh të qyteteve ukrainase dhe ishin sulmuar objektet ushtarake të forcave të armatosura ukrainase.