Kryeministri Zoran Zaev ka lexuar përqindjet në çdo veprimtari të programit kulturor 2021.
Përqindjet e mjeteve të ndara i ka ndarë në baza etnike.
Pasi tha se për shqiptarët është ndarë mbi 25% e mjeteve, shtoi se prandaj po bëhet regjistrimi, që të dimë se si duhet të ndahen mjetet.
“Regjistrimi do të na tregojë se sa jemi, që në bazë të saj ne do të dijmë edhe si ti ndajmë paratë”, tha Zaevi, transmeton TV21.
Ndërkaq, ka ftuar artistët që të ankohen në rast se vlerësojnë, se projektet e tyre duhet të financohen, e ndërkaq janë refuzuar.
Përndryshe, në 5 vitet e fundit të paktën 30% e buxhetit ka shkuar për kulturën shqiptare në kuadër të projekteve me interes nacional. Në kohën kur Ministër ishte Hysni Ismaili, buxheti ishte 40%. Po këtë vit, Ministrja e Kulturës Irena Stefonska, vendosi që vetëm 16% të ndahet për projektet shqiptare. Sekretari shtetëror në Ministrinë e Kulturës, Valmir Aziri, thotë se kjo po krijon precedent që në të ardhmen rrezikon që një proces artistik të shndërrohet në teknik./TV21