Kryeministri Zoran Zaev me kënaqësi do të takojë dhe do të bisedonte me miq. Kjo deklaratë e tij vjen pas asaj të kryeministrit bullgar Bojko Borisov. Ai në takimin me ambasadorët e vendeve anëtare të Bashkimit Evropian dhe konfederatës zvicerane tha se Bullgaria gjithnjë ka qenë e gatshme për dialog, mirëkuptim dhe zgjidhje të çështjeve dyplëshe me Republikën e Maqedonisë së Veriut, por sipas Borisovit, kjo dëshirë duhet të jetë e dyanshme.
“Bullgaria është mike e madhe dhe besoj se do të mbetet në këtë qëndrim. Republika e Maqedonisë së Veriut ka bërë gjithçka që është e domosdoshme në funksion të arritjes së zgjidhjes së çështjeve të këtilla të hapura që ekzistojnë. Ne nuk jemi shumë larg marrëveshjes, duhet vetëm të kemi vullnetin e mirë, të shohim me pozitivitet dhe ta projektojmë të ardhmen para nesh”, deklaroi Zoran Zaev – kryeministër i RMV-së.
Zaev është i bindur se takimi me homologun e tij bullgar do të ndodh në Këshillin e dytë të Ministrave të BE-së që duhet të mbahet në dhjetor. Koha që mbetet deri atëherë, sipas Zaevit, do të jetë mundësi e jashtëzakonshme që të dyja palët duhet ta shfrytëzojnë me mençuri.
Disa media në Bullgari por edhe vendase tashmë kanë përcjellë lajmin se Ministria e Jashtme e Bullgarisë ka dalë me qëndrimin për disa shkelje të Marrëveshjes për fqinjësi të mirë. Mes tyre është edhe interpretimi ndryshe i termit ‘historia e përbashkët në dokumente’. Megjithatë kryeministri Zaev sërish është optimist se punët qëndrojnë mirë para së gjithash për faktin se Bullgaria e njeh identitetin dhe gjuhën maqedonase. Thotë se nuk bëhet fjalë për asnjë lloj lëshimi që mund të bëhet nga ana jonë.
“Nuk flasim për lëshime, flitet për zgjidhje. Tek të dyja anët ekzistojnë mënyra se si kjo të zgjidhet. Theksojmë se më vjen mirë që Bullgaria e njeh identitetin dhe gjuhën maqedonase si realiteti ynë, ndërsa besoj se nëpër ato formulime do të gjenden edhe zgjidhje sepse ato ekzistojnë”, u shpreh kryeministri i vendit, Zoran Zaev.
Tejkalimi i mosmarrëveshjeve mund të bëhet vetëm përmes dialogut, përmes bisedimeve, thotë edhe bashkëkryesuesi i komisionit të përbashkët për historinë, profesori Dragi Gjorgjiev, në një intervistë për “Zonë e lirë” në televizion bullgar “Evropa”. Paralajmëroi se takimi i ardhshëm të Komisionit të përbashkët maqedono-bullgar duhet të mbahet më 3 dhe 4 dhjetor, që do të mbahet online, për shkak të pandemisë.
Në lidhje me marrëdhëniet biznesore maqeodno-bullgare, Kryeministri Zaev është i vendosur! Tha se ato janë të jashtëzakonshme. I vjen keq që tregtia ka rënë gjithandej në botë, e kështu është edhe në bashkëpunimin bilateral mes dy vendeve, por marrëdhëniet janë të shkëlqyera, theksoi Zaev pas fjalës së tij në Forumin Energjetik të Maqedonisë.