Kryeministri i vendit, Zoran Zaev, sot i filloi aktivitetet e përcaktuara në agjendën e vizitës së tij në Slloveni, me rastin e Samitit të BE-së për Ballkanin Perëndimor që mbahet në Bërdo të Sllovenisë.
Kryeministri Zaev mbajti takim të përbashkët me kryetarin e Këshillit Evropian, Sharl Mishel, me Kryetaren e Komisionit Evropian, Ursula fon der Lajen, me Eurokomisarin për Politikë Fqinjësore dhe Zgjerim, Oliver Varheji, me Kryeministrin e Republikës së Sllovenisë, Janez Jansha dhe me Presidentin e Bullgarisë, Rumen Radev.
Në takim u potencua rëndësia e zgjerimit të BE-së me vendet e Ballkanit Perëndimor, u përshëndet ajo që për Brukselin edhe më tej zgjerimi i Unionit me vendet nga rajoni mbetet prioritet strategjik, që pritet të shënohet edhe në deklaratën e sotme nga Samiti.
Kryeministri Zaev në takim potencoi se popujt e Ballkanit Perëndimor presin që deklaratat e BE-së të kthehen në vepra dhe nëse BE-ja nuk vepron, dëshpërimet te popujt nga rajoni do të jenë të pariparueshme dhe në dëm të madh të idesë së madhe evropiane për bashkësi dhe bashkëpunim.