Xhonsoni beson se marrëveshja tregtare pas Bexitit do të arrihet deri në fund të korrikut

Kryeministri i Britanisë së Madhe, Boris Xhonson deklaroi se beson se marrëveshja tregtare pas Bregzitit është e mundshme deri në fund të muajit të ardhshëm, pas bisedimeve me liderët e BE-së.

“Sa më shpejtë e bëjmë këtë, aq më mirë. Nuk shohim shkak se pse nuk duhet ta bëni atë në korrik”, tha ai, pas thirrjeve për “moment të ri” në negociatat.

Kryetarët e Këshillit Evropian, Sharll Mishell, i Komisionit Evropian, Ursula fon der Lajen, dhe i Parlamentit Evropian, Dejvid Sasoli, kishin video konferencë me kryeministrin e Britanisë së Madhe, Boris Xhonson.

Video-takimi i përfaqësuesve më të lartë të BE-së dhe Britanisë së Madhe ishte organizuar me qëllim që të shqyrtohet situata rreth negociatave të cilat udhëhiqen për marrëdhëniet e ardhshme mes Brukselit dhe Londrës.

Para takimit me Xhonsonin nga Brukseli thanë se janë të gatshëm që t’i “intensifikojnë bisedimet” dhe të japin “impuls të freskët” në negociatat./MIA